روضة الميهي..لم يكن دخولي للفن صدفة..وزوجي أول من دعمني.

دايما بحب اتكلم عن الفنانين اللى فى عائلتى … اللى ما اقدرش انكر فضلهم فى تكوينى و ظهور اسم روضة الميهى … 

طبعا حياتى مليئة بالفنانين و المبدعين .. رحم الله من مات منهم … و بارك الله لى فى من هم على قيد الحياة.

احلامى اللى اتمنى تحقيقها هى ان ربنا يلهمنى و يقدرنى انى اخرج كل ما بداخلى من فن و ابداع .. اقدر دائما اجدد فى اعمالى .. و اكون صاحبة فن مميز يتحدث عنه كل العالم … نفسى يكون عندى مؤسسة كبيرة … اعلم ناس كتير ما اتقنته و تعلمته .. اعلمهم ازاى يتنفسوا الفن .. مش اعلمهم بس التكنيك للشغل … و تكون مؤسسة بتنتج اعمال فنية مميزة و غير تقليدية … 

نفسى كل الناس تلبس من شغلى .. كل بيت يكون عنده و لو قطعة فنية مميزة من تصميم يدى …

المشاكل اللى بتقابلنى فى مجال عملى … مش عارفة … يمكن المشكلة اللى واجهتنى فى بداية عملى فى مجال البوليمر كلاى منذ ٨ سنوات ان مش كل الناس كانت لسة تعرف ايه ده و لا فاهمينه.. و ناس كتير ما كانتش مستوعبة ان الشغل ده ممكن يكون هاند ميد فعلا … لدرجة اتقانه العالية و لاه الحمد فكنت بضطر افهمهم و اشرحلهم … بس الحمد لله دلوقتى ما بقتش اواجه المشكلة دى كتير .. ناس قليلة اوى اللى لسة ما تعرفش الصلصال الحرارى… و الحمد لله الناس فهمت و عرفت ان حب التفاصيل و الاتقان فى شغلى ده اصبح شئ معروف بالنسبة لشغل روضة الميهى ..فما بقتش الناس تستغرب زى الاول… و ده فضل و نعمة من الله اتمنى ان يديمها عليه و افضل دائما اتقن عملى

لأ طبعااااا عمرى ما حلمت اشتغل اى حاجة تانية غير الفن … اشتغلت فعلا فترة مع والدى فى مجال التجارة و كنت متخصصة فى تصميم بعض اعماله على الكمبيوتر بس بصراحة كنت حاسة انى محبوسة .. و فنى بيصرخ جوايا لان مش هو ده الخلم اللى حلمته و انا طفلة … حتى كلية تجارة انجليش .. دخلتها بدون ارادتى … حلمى كان الفن .. الفن و بس … و الحمد لله انى قدرت احققه فى يوم من الايام … بتشجيع زوجى ربنا يباركلى فيه و امى رحمة الله عليها …