صائغ القوافي الشاعر
فهد بن عبدالله الصويغ
كنت فين بره دنيتي
قبل ماتحلي ياقمر جنتي
كنت فين وويا مين
عاش معاك ياقمر سنين
كنت فين ما بين الورود
وليه ياقمر بابك مسدود
دا اللي شافك من نظرتين
بكل نظرة فيهم نارين
نار بتحرق ونار توهان
زي الدنيا عاشقها حيران
كنت فين بعيد يا أناني
وويا مين يافرح زماني
ليه مخبي جمالك عني
وليه عيونك كده بتظلمني
انا غير كل اللي العشاق
غير اللي بيعشقوا الفراق
حط فرحك على فرحي
وإنسى جرحك ويا جرحي
تعالى نبني سوى دنيتنا
ونعيش ياعمري بجنتنا
نبعد سوى عن الأحزان
ونملى الفرح بكل مكان
نرجع للدنيآ ضحكتها
وللشفايف ياقلبي بسمتها
ننسى الدنيا ونعيش يومين
فرح وهنا وورد وياسمين
نضحك ونغني ويا الطير
ونغير دمعنا بحب غير
إوعى تقول ياقمر مشغول
دا الحب نظرة وأنا المسؤل
تعالى قرب غني وويايا
خلي الفرحة تبقى معايا
لا حزن لا ألم لا هموم
لا عذاب ولا فراق مسموم
صدقني مش حتندم تاني
أصل حبي مش حب أناني
تعالى قرب ياقمر الحلوين
دا العشق يبدأ من نظرتين
إقرأ أيضا
مدير قسم الأدب و الشعر
علا السنجري
