بقلم/إسراء أحمد
محتاجة إيه
محتاجه وردة من جوه البستان
محتاجة صوت جدتى كان بيدينى الأمان
محتاجة ناس طيبة زى بتوع زمان
محتاجة ألعب وأجرى وأرجع طفلة بضفاير وفستان
محتاجة روح البراءة والجمال اللى اختفت ورا ستار الزمان
محتاجة شوارع زمان أصلها كانت خالية من الغش وقولنا وقال
ومحتاجة إيه كمان
محتاجة هوا صافى زى هوا الفجر الخالى من أصحاب النفاق
محتاجة سفينة نوح سفينة النجاة
محتاجة أخلاق زى اللى اتربينا عليها كمان
محتاجة أيد حنينة تقولى أنا جمبك مهما طال الزمان
محتاج علم يكون هادف مش حفظ والسلام
محتاجة أحس بهيبة المدرس وقت ما كان بيقول قيام
محتاجة دعوة من ست طاهرة واقفة على باب الله وسانده على العكاز
يااااه احنا محتاجين حاجات كتير تاهت مننا في محطات الحياة
