صائغ القوافي الشاعر
فهد بن عبدالله الصويغ
ماتستهلش دموع عينيا
و ماتستهلش أبكي تاني عليك
غدرك كان أكبر هديه
قدمتهولي انت بإيديك
رحمتني من أيام سوده جايه
كنت حساها جوه عينيك
كنت بشوفها و اكدب روحي
وأقول يمكن بيتهيألي
كنت دايمآ بتزود جروحي
وكنت بقول ايه اللي بيحصلى
ياما نمت بدمعي ونوحي
وكنت خايفه من اللي إنكتبلي
في لحظه كنت زمان بتمناها
انكشف وبان ليا المستور
لحظه مش ممكن يوم أنساها
قلبك واخد الحب بالدور
زي ما بعتني حتبيع هواها
أصل الغدر في هواك دستور
متشكره فوقتني منك قوام
قبل ما اتعلق بيك أكتر و أكتر
أصل الحب في للي زيك حرام
واللي يتعلق بيك دايمآ بيخسر
ما تعتذرش … داه حبك أوهام
ولا بألف دمعه منك حتأثر
خليك في حالك كده و روح
وإنسى أن كان لك قلب بيحبك
القلب اللي بيحبك بقى مجروح
ومش ناقص يسمع تاني كذبك
لا حيحن لك تاني ولا حيبوح
حتى لو كان بيتمنى قربك
مدير قسم الأدب و الشعر
علا السنجري
