حياة الفنانينعام 
أمير البهجة “محمد فهيم” مسلسل الجماعة و ضعني على أول طريقي للحلم ووحيد حامد وإسعاد يونس مشاعري ماتتوصفش لما بكون معاهم
استاذ وحيد حامد و صاحبة السعادة اسعاد يونس مشاعرى ماتتوصفش لما بكون معاهم
عمرى ما حلمت اكون ممثل
كانت المخرجين بتراهن عليا من اول سنة
قهوة سادة من اهم العروض المسرحية فى تاريخ المسرح المصري
شاب مصرى شبهكم و عايش نفس ظروفكم و حاسس بيها
كل مجال به صعوبات و تحديات و عليك ان تجتاز هذه المراحل
كل مجال به صعوبات و تحديات و عليك ان تجتاز هذه المراحل
حوار مها نور الدين
فنان مصري بدأ مشواره الفني في مطلع الألفية الثانية، عمل بالمسرح والسينما والتلفزيون. حاصل على جائزة افضل ممثل من جامعة القاهرة لعالم 2001 2004 شارك في عدد من المسلسلات منها دوره في مسلسل الشحروره والذي قدم فيه شخصية الضاحك الباكي اسماعيل ياسين وصبحي في باب الخلق مع الفنان محمود عبد العزير ودوره في الكبير اوي سرنجه الفشار .
و لفت فهيم الأنظار، عبر تجسيده دور المفكر الإخواني سيد قطب ضمن احداث الجزء الثاني من مسلسل «الجماعة 2» حيث تقمص فهيم تلك الشخصية بشكل بارع حاز على إعجاب الجمهور والنقاد على حد سواء. وأظهر الدور موهبة حقيقية يمتلكها فنان ينتظره مستقبل مبُشر في عالم التمثيل وكان الإبهار الأكبر من ايام قليلة عندما استضافته الفنانة إسعاد يونس ليجسد شخصية الضاحك الباكي إسماعيل ياسين في برنامجها الشهير “صاحبة السعادة” ليبهر فهيم كل من شاهدة ليعلن التاريخ عن ولادة جديدة لفنان مبدع محترم لمس كل القلوب اطفال وكبار ليتوج بفرمان من محبيه على عرش السعاده أميراً للبهجة في مملكة الفن.
الفنان المحبوب أمير البهجة محمد فهيم كيف تعرف نفسك لجمهورك؟
شاب مصرى شبهكم و عايش نفس ظروفكم و حاسس بيها و بحب الفن جدا
بداية ظهورك في المسرح والتليفزيون ماذا عن هذه التجربة وهل كانت حلم منذ الطفولة؟
عمرى ما حلمت اكون ممثل ,, و انا صغير كان نفسى اكون طبال فى فرح شعبى او مطرب شعبى فى الافراح الشعبى ههههههههههه , و بعد وصلت للجامعة و انا مش فى دماغى و كل المرحلة السابقة كانت مواهبى كتير رسام و لاعب كرة قدم و بلعب موسيقى و فى الآخر دخلت كلية تجارة هههههههه و هناك بقى اتفرجت على مسرحية و عجبونى اوى الممثلين و المسرحية و ساعتها اصحابى نصحونى اشترك و انى اقدر ابقى حاجة حلوة فى المسرح , و فعلا اشتركت و الحمد لله كانت المخرجين بتراهن عليا من اول سنة و بالفعل الحمد لله حصلت على افضل ممثل جامعة القاهرة 3 مرات و بعد كده اشتركت فى ورش مسرحية كتيرة باتعلم فيها الرقص و الغناء و الموسيقى و التمثيل و كان عندى حلم انى اكون ممثل شامل و اقدر اعمل كل حاجة و بحلم اكون افضل ممثل فى العالم ان شاء الله يارب
كيف ساهمت قهوة ساده في حياة فهيم الفنية ؟ وهل ساهم ذلك في اكتشاف موهبه فهيم؟
قهوة سادة من اهم العروض المسرحية فى تاريخ المسرح المصري فى العشرين سنة الاخيرة و كان ليا شرف المشاركة فيها , كان هذا مشروع التخرج لدفعة التمثيل الثانية بمركز الابداع الفنى و هو من اهم الاماكن اللى بتعلم ازاى تبقى ممثل شامل تمثل و تغنى و ترقص و يبقى عندك مهارات كبيرة عشان كده اشتركت فى هذه الورشة و اكيد هى و من سبقها كان ليهم دور فى تطوير الخبرات و المهارات و كلما زادت الخبرات ينعكس ذلك على الممثل
من أول من اكتشف موهبتك الفنية وشجعك تخوض المجال الفني ؟
اصدقائى
هل قابلت حروب في الوسط الفني جعلتك تفكر في الابتعاد وتغير هدفك ؟
كل مجال به صعوبات و تحديات و عليك ان تجتاز هذه المراحل و الحمد لله دايما بركز فى شغلى فقط و اسعى ان اقدم افضل ما عندى فى كل شئ اعمله و عندى مبدأ اشتغل بيه هو ( لا مجال للخطأ صدفة ) و اتعلمت من احد اساتذتى شئ مهم , قال لى لما تعمل شغلك لازم تجعل المشاهد او الجمهور at the adge of the chair يعنى منتبه لأقصى درجة ولازم تبهره و عنيه تلمع و هو بيتفرج عليك
في بداية مشوارك الفني شاركت بأدوار ثانوية في المسلسلات ولكنها كانت مميزة وتركت بصمة عند جمهورك هل انت راضي عن هذه البصمة؟
طبعا الحمد لله , فكلها خبرات أدت للى وصلتله دلوقتى فى منهج الشغل و طريقة التفكير و ازاى اقدم افضل حاجة للمتلقى بفضل ربنا الحمد لله
الجماعة كان بداية انطلاقة الفنان محمد فهيم ماذا عن الانطباع والأثر لهذاالعمل بالنسبة لك؟
مسلسل الجماعة الجزء الثانى و ضعنى على اول طريقى للحلم و أعطانى شهادة إجادة كبيرة من الجمهور و النقاد بأنى على الطريق الصحيح و الصعب فى نفس الوقت و لكن مازال هناك الكثير ان شاء الله اسعى أن اقدمه للناس و أسأل الله التوفيق الكبير دايما
شاركت إلى جانب العديد من الفنانين الكبار أدوار صغيرة هل قابلت صعوبة في العمل معهم ؟
فى الحقيقة مفيش اى صعوبة , بالعكس كلهم الحمد لله كانوا بيحبونى و يدعمونى و مبسوطين بتفاصيلى و مذاكرتى لكل دور بعمله , لأنى دايما زى ما قولتلك بركز فى شغلى فقط و أحب دايما اكون اضافة لكل عمل بشارك فيه و قد المسئولية حتى لو حجم الدور ماكانش كبير
هل تؤيد فكرة أن يقدم الفنان برامج تلفزيونية واذاعية ؟
بشرط يكون عنده الموهبة و القدرة على كده لأن ده موضوع مش سهل خالص و ممكن يخسر كتير من رصيده لو كان غير متمكن من مهارة التقديم و الاذاعة
اذا عرض عليك منصب نقيب الفنانين ماذا عن اول قرار ستتخذه؟
تطوير المناهج و الافكار الدراسية فى المعهد و المساعدة فى تقديم منح دراسية بالخارج للمتفوقين
أي من الأعمال إلي اديتها كانت لك بمثابة مفتاح لقلوب جمهورك ؟
الحمد لله بحبهم كلهم و لكن العلامات الكبيرة عند الجمهور ( فهيم سرنجة – مسلسل الكبير اوي ) ( سيد قطب – الجماعة الجزء الثانى ) ( منولوج اتفضل قهوة ) و اخيرا منولوجات اسماعيل ياسين التى قدمتها فى برنامج صاحبة السعادة مع المايسترو جورج قلته
كيف تم اختيارك للمشاركة في مسلسل الجماعة والذي لاقى نجاح كبير؟
طريقة اختيارى لا اعلم بها و لكن تلقيت مكالمة هاتفية من الاستاذ المخرج شريف البندارى من رقم محمول الأستاذ وحيد حامد و ابلغونى بالخبر الجميل الحمد لله
هل سيد قطب اثر على شخصية محمد فهيم؟
وقت تحضير سيد قطب و تصوير لم يكن فهيم موجود نهائى لأنى كنت عامل معايشة شبه كاملة للشخصية امام الكاميرا و فى الكواليس و فى الشارع و البيت و عندما انتهيت من التصوير فى آخر رمضان استغرقت حوالى 3 شهور للتخلص من الشخصية و اعود فهيم مرة اخرى
كيف تحضر نفسك لدخول بأي عمل جديد؟
الموضوع كبير اوي ههههههههههههه لأنى باعشق التفاصيل بذاكر لغة جسد و بصمة صوت الشخصية و روح الشخصية و طاقتها و انفعالاتها و تاريخها و الالوان اللى بتحبها و طريقة اللبس و احلامها و احباطاتها و ببدأ اعمل معايشة شبه كاملة و بعيشها فى كل مكان باتحرك فيه حتى لو فى بيتنا , و الحمد لله دايما النتيجة على قد التعب و المذاكر و الاجتهاد
ماهي المعايير والأسس التي تصر على وجودها عنداختيارك للأعمال التي تعرض عليك؟
الورق الجيد اهم حاجة لأنه 50% من نجاح العمل ثم المخرج و فريق العمل امام الكاميرا و خلف الكاميرا ولابد ان تكون شركة انتاج واعية و قادرة على توفير عناصر النجاح الكبير للعمل من كل شيئ
مكالمة هاتفية اسعدتك ممن وماذا عن شعورك حينها؟
استاذ وحيد حامد و صاحبة السعادة اسعاد يونس مشاعرى ماتتوصفش لما بكون معاهم و باتكلم معاهم , طاقة حب كبيرة و خبرات كبيرة اوى باكتسبها دايما
إقرأ أيضا
“النجمة وفاء عامر”من أنظف الحاجات في الحياة الطوفان وعندما تزوجت محمد وانجبت عمر أصبحت اختياراتي أدق وأصح
الحقيقة مش مشارك فى رمضان السنة دى ,, لكن قدمتلهم مشروع اسماعيل ياسين قبل رمضان يقعد معاهم سنين للأجيال الجديدة ان شاء الله و يارب اتوفق فى اختيار عمل يليق بالجمهور المصرى و العربى الكبير
ماذا عن احساسك بتقمص وأداء شخصية الضاحك الباكي إسماعيل ياسين؟
فى الحقيقة وقت التشخيص مابكونش واعى اوى بمشاعر فهيم لكن لما بخلص بكون سعيد الحمد لله اكتر بردود افعال الجمهور
ماذا ترك المونولوج من بصماته على شخصية محمد فهيم؟
بفضل الله قدملى جمهور كبير و طاقة حب تكفى العالم كله من اطفال و كبار الحمد لله و بكون فرحان و انا بقدم السعادة للناس و يارب التوفيق الكبير دايما
هل لديك مانع في أن تكتب الصحافة عن حياتك الشخصية ام هي خط أحمر ؟
بصراحة اه ههههههههههههه
على الصعيد العملي حققت الكثير من النجاحات ماذا عن الصعيد الشخصي ؟
بكافح و اجتهد و عايش نفس مشاكل الناس و نفس اسباب فرحتهم
اختيارك لشريكة حياتك هل سيكون من خارج الوسط الفني ام من داخله ؟
الله اعلم , لما أحب هقولك ههههههههه
من هم الأشخاص اللذين تسمح لهم بان يرو دموعك وضعفك الانساني ؟
اقرب صديق و صديقة
اذا وجدت الة الزمن إلى اي زمن تود الذهاب ؟
احب الذهاب إلى المستقبل
ماذا يمثل لك ؟
الحب الحياة
المراة ماعرفش اعيش من غيرها ( أم – اخت – صديقة – حبيبة – ابنة )
الزعيم قائد
الفشل معرفوش
الظلم كابوس و قهر
الاصدقاء سند و لكنهم قليلون
الغدر موت
الساحة الفنية ملعب
السينارست وحيد حامد الخبرات اللى فى الدنيا كلها
بيومي فؤاد بحبه جدا
هل شعرت بالندم لعمل قمت به من قبل؟
الحمد لله , لا
وجه رسالة إلى شخص وقف إلى جانبك وساعدك في متابعة مسبرتك الفنية ورساله لمن ظلمك ؟
شكرا للإثنين
في الختام كلمة من امير البهجة تحب توجهها لجمهورك ؟
بحبكوا جدا و يارب دايما فى سعادة كبيرة لأنكوا تستاهلوا كل خير كبير و يارب اقدر أوفيكم حقكم عليا من المتعة و السعادة
