أحمد عثمان توفيق
يامصر ياأمي
أجمل مايتقال عنك يامصر
إنك سايعانا كلنا
مسلم مسيحي كبير صغير
حضنك دايما يضمنا
غني وفقير وزير غفير
سماكِ فوقنا تظلنا
يامصر ياأمي ونيلك ف دمي
ليل نهار بدعي ربنا
يفرج كروبنا
يفرح شبابنا
يسدد ديونا
ويصلح أحوالنا
والعدل يبقى سمة ف عصرنا
ونتساوي على أرضك كلنا
وترجع حقوقنا المهدره
ومانشوفش فيكِ ابدا ذليل
ومانشوفش فيكِ غير كل خير
عشان نباهي بيكِ الغير
ونقول ساعتها بنحبك كلنا
ساويتِ بين عيالك
ومافيش فرق بينهم
واصبح وزيرك بيخدم غفيرك
واصبح ولادهم يتعلموا من نورك
واصبح لكله نفس الفرص
واصبح غنيك يساعد شقيك
واصبح قويك يأمن ضعيفك
من غير لاشفقه ولا ترضية
ويرجع الحق تاني لصاحبه
وينتهي الظلم قبل مايوصل لبابك
ونبدأ حياتنا الجديده ف الارض الطيبه
بحبك يامصر….
للمزيد
مدير قسم الأدب و الشعر
علا السنجري
