بقلم/جيهان عوض
قالوا ثورة من المشاعر
حَس يوم بطفل خايف
خَط قلمه دمع جارف
أما شاف عيون حزينة
حبره عَلِم عل القصيدة
دمع دامي بلونه الاحمر
حس بحزنه، منه وأكتر
وصفك لغضبك مش مُتَرجم
هو وصفه ليه بيرجِم
وأما شاف بسمة سارحة
نقّط حِبره من قلمه فرحة
حبه لفرحك مش مصادفة
الفرح بينكم صار مناصفة
مش مذبذب أو منافق
كان شعوره ليك مُرافق
حب يرسم لك شعورك
ريشته وألوانه! بس دورك
مش بيسرق أو بيسلب
هو بس احساسه يغلب
أصله شاعر…
قلبه ثورة من المشاعر
