بقلم الشاعرة اللبنانية جوجو يحي
يا حلم ليلي وسارق الغفلي
يلي حواسي الخمس خاطفلي
وينك يا عايش بالقلب بتغل
وقاعد زهور العمر تقطفلي
عايش بببو عيون دمعا هل
صارت عا حبك حب توصفلي
ملهوف قلبي بسحر يوم تهل
ومن نبع قلبك حب تغرفلي
جربت اهرب من خيالك فل
لقيتك عا باب الفكر واقفلي
زرعتك بدمي والنبض محتل
وبالروح لحن العشق تعزفلي
بتكبر سنيني وبالهوى رح ضل
ارجع بخطوات العمر عندك
واغفى على كفوفك متل طفلي
