ميرفت مهران ٣٠/٣/٢٠١٩
يامن زرعت الروح وردا
لمن تركت الروح يرويها
دا صوتك لسه في وداني يواسيها
وحبك نغمة لمساني بعيش بيها
مفيش حاجه ناقصاني ياأمي إلاكي
وكل حاجة ناقصة حاجة عايزاكي
دي حتى الدار بقت أطلال
مفيش فيها غير حجر وحيطان
واناديكي وأناجيكي ياست الدار
ولو رديتي يكون حلم من الأحلام
ياأمي محتاجالك تضميني
تلملمي شتاتي وتهديني
لنور الراحة في دروبي
وتعيدي ليه أمان نفسي يشفيني
مبقاش جوايا غير ذكرى عشتها معاكي
بتحييني لحد ماأقابلك
ونحضن بعض في الجنة
