هحكي حكاية بالتفصيلة
الشاب الحيلة حب أميره
سرقت قلبه وشغلت فكره
جرى علي اهله وحكي حكايته
حسوا بحبه ولهفة قلبه
قالوا ومالوا نروح على بيتها
خبط على بابها أهلا أهلا
جايين بيتكم نطلب إيديها
رد الأب وقاله حيلتك ايه
أسف جداً حيلتي حديده
يبقا ازاى جى تتقدم
أصل أنا حبيتها
جى من باب بيتها
رد الأب أسف جداً
بنتي جميلة
وتستاهل أجمل عيشه
أسفين جداً شرفتونا
مع ااااالف سلامه
ذنب الشاب أنه فقير
ولا الأب اللي خاف على بنته
ولا القلب اللي حب أميره
ولا الذنب ياترى علي مين
ومن ساعتها وقلبه حزين
موت نفسه من التفكير
يعمل أيه مشغول بيها
اهله غلابة والعيشة فقيره
وأهل أميرة في أجمل عيشه
هى في قصر وهو في سطح
والفرق ما بينهم السما والأرض
أبو كنده
