مدفية بذكرى وبكرة وحبة حب
وبناس ووشوش ورتوش
وقلب أبيض نونو عمره ما حب
مستنية عمر إتأخر وماشفتوش
عاوزين الحق انا فرحى عمره ما شق
قلبى النونو عريان بردان وف عز الحر
والعمر بيزحف ذق × ذق وما عشتوش
متمرمط قلبي ف دوامة فر وكر
والحب ان خبط يوم على بابي
بقوله روح يكفينا الشر
وبرغم زحام الدنيا على عتابى
قلبى لا بيسلم ولا يتغر
ماانا اصلى حرة زي الطير
صحيح كان نفسي اعيش عادى زى الغير
بس الدنيا حرنانة ما نوياش على خير
ومعندانى تملى .. تملى
وكل ما امد انا خطوة تسبقنى تطير
