فضفضة بصوت مرتفع تكتبها الشاعرة سناء عبد الوهاب

١ _ أصعب يومين جواك حزين والخوف ورق بيطير وينزل من الهوا
ماحناش سوا
كل اللي شاف قلبك دوا وشوفته في جروحك خيط وشاش
كداب قوي
كل اللي قالك انت قلبي ونبض دق الدق ممكن بيه تعيش ولو أنت قلبه صحيح بجد كان الفراق هيهمني مش يمشي عادي مهمنيش
ماحناش سوا رغم أن روحي بنت ليك رغم الهوي مبقاش بيحلم الابيك
شايفة الشراع مركب بتوصل كل يوم علي شطنا ماحناش سوا رغم أن موتنا في بعدنا .

٢_ قلبك جميل فيه الضفاير ملهمة بيوصلوني للسما

عينك بترسم لي الأمل
حضنك علاج للاكتئاب مع ان حضني صبح عذاب
إنسان غريب بوصف حبيبتي وحسنها بلاقيني حاضن حزنها والاقيني كاتم دمعتي انسان كءيب يشبه شوارع دنيتك فما تبعديش
يمكن في يوم الاقيكي ضي لضلمتي .

٣_ الوحدة باب فاتح عيونه عالوجع والهم لو كنا يعني خلاص سوا كان كل شيء جوايا بيك اهتم
ماتحاسبنيش انا طفل باجي بالمحايلة وبالعقاب بعند قوي
مش قصدي حاجة ياملهمة وقت أما بكتب شعر بتكوني روح وكيان
بيجف حبري بلاقي من دمعك رصيد للحبر .

٤_ الصبر إيه غير كام وجع مترتبين وبدون نقاش
الصبر إيه غير صورة فيها كل ذكري ماعشنهاش
شوفناها في خيالنا وبس
هتحس امتي إن البعاد أصعب كتير من موت حقيقي بالرصاص
العطف والطيبة سبب خلوني احس الدنيا غير
وأنا مش بخير علشان أقولك قصتي .

٥_ أنا شيء غريب في الدنيا دي وبديت غلط
الفرح جوايا اختلط بكتير من الاسوة بكيت
حسيت بحبي فسبتني من امتي يعني الإهتمام بيكون بديل للحب حسيت بقلبك بعتني وكإن خوفي عليك وعشقك ذنب .

٦_ اليوم بدأ رغم إن ليلي لسة ساكن ماانتهاش
لو كل كوني قصاد عيني وانت بعيد كأني لسة ضعيف قوي وكإن وقتي معاك مجاش .

٧_ احجزلي أوضة لو سمحت مفيهاش سرير مفيهاش ونس
احجزلي أوضة مقفولة من كل النواحي انا مش بنام
صدقني هفضل برضوا صاحي
خلاص هموت ,!
ماتخافش الموت ده رحمة ومغفرة اصل انت حد بسيط قوي وبلاش تكتر أسئلة .

٨_ حبيت قوي رغم أن حبك مش بإيدي
هبعد بعيد علشان هواك اكبر هوا بيشدني
استني بس اياك تغيب حتي المطر بيقول حبيب
هتسيب ايديها إزاي كده
مش كل ساذج تتعبه وياك
ياحلم من روحي انا انا كنت ليك بس انت ليه جواك ضني
والخوف بعيد عن سكتي لكن أنا خواف
إزاي بقيت بستغربك جدا وإزاي يا حزن بقيت تبان شفاف
بضحك كتير والضحكة مسمومة مصدومة لكن جوه مني خلاف
روحي وعقلي اتفقوا ياما عليك وأنا لسة برضوا شك مع غيرة
اهون عليا أموت ولا إني يوم أنساك .