بقلم الشاعره /سناء عبد الوهاب
اصنع عرايس من الورق وارسم بيوت
وعلى صوت الأوردة وقت الوجع
علشان بيجرحك السكوت
ارسم عيون تحضن وداعك في الغياب
والبس كفن يوم الميلاد
دا الحضن بيت شبه التابوت
كن ديكتاتور في قرار وجود
وارفض وعود بتكتفك
سيب اللي بايعك ينصفك
لو بالردود
اغزل قلوب من عقد ياسمين
ضيها يمحي السحاب
ويضم شمس الروح عتاب
ضل الطريق لقلوب بتقصد تبعدك
صاحب حنين قاسي مصر يموتك
هتلاقي برضوا في نجاة
أصدق كتير من ناس خانوك
بسم الحياة
