مهاب فتحي” التميز ليس هدفي ..ترك الأثر غايتي

أنا مهاب فتحي فنان تشكيلي مصري، عندي ٢٣ سنة

الفن لغة الروح وتعبير عن رهافة الاحساس

حدثنا لماذا اخترت عالم الفن التشكيلي ومنذ متى بدات هذه الموهبة لديك ؟

موهبة الرسم كانت موجودة منذ الطفولة لكن لم أكن مهتم ، كنت ارسم بالصدفة لو اخدنا رسم في المدرسة تقريبًا

ولكن البداية بدأت في عام ٢٠١٦

من الداعم والمشجع لمهاب على موهبة الرسم ؟

في البداية كانوا الأصحاب القريبين، كانوا بيقولوا رسمك حلو اهتم به، بعد ما بدأت أنشر رسمي على السوشيال ميديا دعمني ناس كتير الحقيقة ولحد الآن بيدعموني

أول عمل رسمته وقيل لك أنت فنان ومن خلاله تم الاعتراف بموهبتك كفنان تشكيلي ؟

لا يوجد عمل مُعيّن الحقيقة هم كثار

الفن مرآة سحرية نبتكرها لتحويل الموهبة إلى صور

لماذا جميع رسوماتك تدل على الاكتئاب ؟

وهل تفكر أن تبتعد برسوماتك عن الاكتئاب ؟

ليس كل رسوماتي ولكن معظمهم، والجزء ده صعب على الناس وأنا منهم انه يعبر عنه بكلام، ف نلجأ للفن

وليّا رسومات كتير بعيدة عن الاكتئاب، بس اللي مبسوط مش بيحتاج يخبي ده ولا بيعرف يخبيه، ف أنا حبيت أركز عالجزء اللذي لا نعرف أن نظهره

في جميع رسوماتك هناك علامة تحت العين على ماذا تدل هذه العلامة ؟

السؤال ده اتكرر عليا كتير وفشلت إني أقدر أجاوب عليه باللي أقصده، ف ممكن نعتبرها زي signature لرسوماتي

ماهي المعارض التي شاركت فيها وكيف استقبل الجمهور أعمالك ؟

لحد اللحظة دي مكنتش أخدت قرار إني أشارك ف معارض، ولكن شاركت ف معرض عالمي ف شهر مايو ٢٠٢٠ من تنفيذ Ursuline College،

تم اختياري ضمن ٧٢ فنانا من العالم نشارك في أول معرض يتنفذ أونلاين بسبب الكورونا، وشاركت ب لوحتين بيوصفوا ال anxiety

وكانوا من ضمن اللوحات اللي تم عرضها على التلفزيون الأمريكي

وناوي أشارك في معارض كتير الفترة الجاية إن شاء الله

من قدوتك من الفنانين التشكيلين ؟

مفيش حد مُعيّن أقدر أقول إنه قدوتي، لكن أقربهم ليّا هو بيكاسو، بحب رؤيته وتفكيره وأكيد رسمه

الإبداع رافد التميز والطموح رافد الإبداع

إلى ماذا يطمح مهاب ؟

عن نفسي مش بشوف إن في منافسة في الفن، في رأي ورأي مُختلف، رؤية و رؤية مختلفة، وكل شخص بيميل للي يحبه

ف طموحي مش التميّز قد ما هو إن شغلي يترك أثرا

كلمة شكر لمن يرسلها مهاب ورسالة عتب لمن ترسلها ؟

شكرًا لكِ طبعًا على الحوار الجميل ده، وحابب أشكر كل حد دعمني ب comment حتى على شغلي ولااعتقد إن في رسائل عتب لأ

كلمة نختتم بها الحوار ؟

ممكن نختتم بمقولة محمود درويش : سيطلع من عتمتي قمر.