عالجوري مكتوب كتابك
والعطر مْعَطَّر بترابك
قلبي مابتغريه ورود
وعمري متسجل ع حسابك
……
مابتسرقني ورود الكون
من وردِك ياست الكون
ورداتِك كل وردة لون
والشمس خيوطا من تيابِك
مندورة للمجد بوابك
ياشام..والله عرابك
والجود بأرضك موجود
من بابك حتى محرابك
…..
الدهر بحاراتك مولود
وسحر بيوتك مالو حدود
وضيفك ..جرجس أو محمود
أهلا وسهلا ..الكل حبابك
……
وعالجوري مكتوب كتابِك
والحِنِّة انجبلِت بترابِك
وقلبي مابتغريه ورود
وروحي سجلتّا ع حسابِك ….
جمال القجة
اقرا المزيد التعليم عن بعد في ظل الكوارث الطبيعية – مازن دحدوح
سورية قلب واحد بقلم :نادية يوسف
