بقلم الخالة وداد
اوقات بتحب تكون لوحدك تفكر وتتأمل وتعيد حسابات وأوقات تحب تكون في مجموعة وتتبادلوا الضحكات والنكات وأوقات بتبقي مجنون وطاير من الفرح والسعادة وأوقات بتبقي حزين مكتوم معصور من جواك اوقات بتحب المدح وأوقات تانية بتكره المجاملة اوقات بتحب الحق وأوقات تانية بتسكت عنه اوقات بتكون مظلوم وأوقات تانية ظالم اوقات تكون صح وأوقات تانية غلط
اوقات بتتحب وأوقات تانية بتتكره
اوقات بتكون مثالي وأوقات تانية لا تطاق اوقات بتبقي الدنيا مشعشعة معاك والزهر لاعب وأوقات تانية الفقر صديقك الوحيد
مفيش حقيقة مؤكده في الكون غير أن الإنسان متقلب الحال ومستحيل يثبت علي شخصية واحدة فالطبيعي انك متحكمش بناءا علي موقف وتلقي الأحكام لأنه ببساطة اتهام وحكم ظالم وباطل!!
