إعداد خبيرة الإتيكيت رحاب المحمدي
التصرف الخطأ على الفيس بوك كتابه بوست على صفحتك وعمل تاج او تخصيص البوست لأصدقاء محددين لان التصرف دة ممكن يتفهم انك مش عاوزة تهنىء الاصدقاء الباقيين بالاضافه للازعاج اللى بنسببه للاشخاص المرسل لهم التاج لان كل إشعار او تعليق بيتكتب تحت البوست بيوصلهم
التصرف السليم اننا نكتب بوست على صفحتنا فى الفيس بوك بتهنئة العيد لكل الاصدقاء والأهل و المعارف بدون تاج او تخصيص اسم محدد كل سنه وحضراتكم طيبين
كمان لازم نتصل بالاهل والاقارب المقربين للتهنئة بالعيد قبل العيد حتى لو هنتقابل ونتجمع بعدها وغير كافى ابدا التواصل فى رساله باى طريقه من طرق التواصل الاجتماعى
من الاخطاء فى حاله وجود اقارب او اخوات مغتربين خارج البلاد ان ننتظر انهم يتصلوا بينا للتهنئة بالعيد
انما التصرف السليم ان الاب او الاخ الاكبر او من ينوب عنهم يبادر بالإتصال بالشخص المغترب من العيله عن طريق الموبايل ويفضل ان الاتصال يكون فى الوقت اللى الجميع متجمعين فيه وكل الاهل يتبادلوا المكالمه للتهنئة بالعيد
