بقلم: محمود منصور
– ليه مابتقوليش كلام حلو زي زمان
-عشان انتي احلي من اي كلام
-بس بردو احب اسمعها منك
-وتفتكري الكلام يقدر يوصف جمالك
-حاول وانا موافقة باي حاجة تقولها
-مقدرش أقول او أوصف اللي شايفه
-للدرجة دي … كتير بفكر انك بطلت تحبني
– ازاي يجي علي بالك حاجة زي كده
-مانا ماسمعتش منك اللي يقول عكس كده
-بس انتي عارفة اللي جوايا و متأكدة منه
-كنت … بس دلوقتي محتارة و نفسي اعرف
-لو فكرتي شوية حاجات كتير جواكي هاتتغير
-فعلا فيه تغيرات كتير حصلت …. بس جواك انت
-حاسس اني بتكلم مع واحدة غريبة عني
-والقريب بتكلمه ازاي .. بكتفك و لا بضهرك !!!
-الليلة ساقعة اوي حاولي تدفي بحاجة جنبك
-ماهو ده اللي بحاول أقوله من بدري
-عارفة ايه اكتر حاجة بتخليني سعيد ؟؟؟:)
-مش متاكدة .. بس احب اسمعها منك
-انا رايح اجيب حاجة أشربها .. اجيبلك?
-شكرا .. بس ماتنساش الحاجة اللي بتسعدك
-ليه كل حاجة اتغير طعمها كده .. ؟ !!
-جايز تكون تعبان او واخد برد ..
-الهدوء جميل … شايفة السحاب كتير ازاي
-تحب احضرلك حاجة تاكلها ?
-اطفي النور لو سمحتي و اقفلي الباب وراكي
-مافيش حاجة عايز تقولهالي ؟؟؟?
-شكرا بس صحيني بدري كالعادة
-تصبح علي خير
-………..
مدير قسم الأدب والشعر
علا السنجري
