علا السنجري
من غير هشتاج
ولا منشن
ويمكن كمان
أغير
الكول تون
بتاعة تليفوني
غيابك وجع
وانت مقضيها
كومنتات وايا
سوسو و توتو
و شوية نونو
صورة ورا صورة
ولا على بالك
حتي حليم
ناويت اخاصمه
عشان قلبي
مش يلين
ويصدق غيرتك
من فلان
أو علان بيه
بالحلفان تكذبني
وانا ماليش
غيرك حبيب
طيب اخرتها ايه
لا انت قادر
علي انفيرند
ولا انا قادرة
علي البلوك
حد ينده مارك
يحل لي
المشكلة
باين عقلي
راح مني
في وسط
البوستات
يلا خير
مدير قسم الأدب والشعر
علا السنجري
