بقلم مدير قسم هى وهو : داليا طه
اتفاجاءنا اليومين دولا بحاجات غريبه تكاد تكون كوميديه من وجهه نظري الشخصيه زوجى زوجك ومافيش غير القبقاب ورجعونا للزمن الجميل هاروووون الرشيد وشجررره الدر طبعا مادولا المثل الاعلى للي بيحصل وكاننا خلصنا كل مشاكل المجتمع واتبسطنا وفرحنا وقولنا نفرح ابو الاولاد ونفرح نفسينا كسيدات بجواز ابو الاولاد وتيجى واحده متغاظه من اللى عايزه تجوز ابو الاولاد لحد تانى فحتجيب القبقاب اللى انقرض وتعيد تصنيعه وتحيي الصناعه المصريه الاصيله القبقاب انا مستغربه هو ايه اللى بيحصل ده خلاص بقينا ماورناش غير كده هو فين الدين والعقل من كده واللى استغربته من احدى الحاضرات في كورس بتسال على ان شيخ في جامع بيشجع ازواجهم بعد صلاه الجمعه بان كل واحد يتزوج من اللاجئات وتسير زوجه تانيه واخت لزوجته في مساعدتها في المنزل يعنى يستغل سيده ويسكنها بيتها ويستمتع بها وفي نفس الوقت اوفر من سعر الخادمات ياااااااه مهزززززله
فعلا طب حضراتكوا مافيش مبادرات تعفيف بناتنا واولادنا مافيش مبادرات مش حنطلع العمره الخامسه والعشره والعشرين ونزوج بدلهم ولاد وبنات ونساعدهم ونفتح بيوت ونشعلهم مافيش مبادره اننا نراعى ان كا صاحب مدينه جديده يتبرع بثلاث عمارات للشباب باسعار رمزيه لسهوله الزواج مافيش بنات عانس وشباب عطلان مافيش خلاص تحرش مافيش الحاجات الوحشه اللى في مجتمعنا اللى نحاول بايدينا نصلحها مافيش بالمصاريف المبالغ فيها للاسر ان يروووح فعلا للى محتاج خلاص مافيش انسانيه ليه انت كراجل متزوج ومخلف ليه ماتساعدش شاب في انه يتزوج بكر زيه ليه اللاجئه ماتتجوزش ابن بلدها مادام موجود ساعدهم بشغل او سكن ظروف بلدها ماتخلهاش تكسر بيها وتكون خدامه ليك ولزوجتك ولاولادك ايه الستات المضحيه اوى دى اللى حتبقي فرحانه بابو العيال داخل عليها بواحده او اتنين وتلاته من في ازواجكم مثل رسول الله ويعدل مابين زوجاته ماتضحكوش على نفسكوا وعلينا كفايا مهازل احوال البلد حتتصلح اما انتى وغيرك تفكروا صح اتقوا الله في خلق الله
