تمثيليات الاعلاميين :

بقلم الكاتب الساخر مصطفي القمري

• كوابيس : الوه .. الوووووه .. الووووووووووووه .. ايوة مين معايا ؟

• القمرى : صباح الخير ياست كوابيس انا مواطن غلبان ..والحمد لله الدولة وفرت لى شقة بالعفش فى قرية السمرات – بس عندى مشكلة ان الخلاط بتاع الدش اللى العيال بيستحموا فيه عطلان !!

• كوابيس : وازاى تسكت على الموضوع ده .. شفتم ياجماعة مش قادرين يوفروا سباك للناس الغلابة يصلح لهم الدش والا حنفيات الميه اللى بتبوظ .. هوة ده الفساد اللى بنتكلم عنه ده لازم يتشال فيها رئيس الوزراء ..

• القمرى : ده حتى يافندم باب الشقة من غير عين سحرية والبلكونة مافيهاش احواض زرع .. شفتى الظلم ؟ 

• كوابيس : انا لو مكانك اطلع على امريكا واقابل ترامب واشكيله .. والا بلاش ترامب روح لمراته .. ست حنينة 

• القمرى : لا انا بفكر اروح مجلس الامن عشان يعمل عقوبات اقتصادية على مصر .. 

• كوابيس : شفتم اللى بيحصل .. دى مهزلة .. بيسلموا الناس الشقق من غير جلدة الحنفية ..معلش ياعم قمرى .. انا هخلى عمورة يبعث لك السباك بتاعه يصلحلك دولاب المطبخ ويعمل لك عين سحرية للباب .. الله يكون فى عونك !!

• القمرى: فين ال 1000 جنيه !!

• كوابيس : ياابنى احنا لسة على الهواء هتفضحنا