كتبت مها محمد
مقدم من مطبخ:فداء حداد
مدة التحضير:ساعه
مدة الطهى:30دقيقة
المكونات
٤ و نص كاسات طحين منخول
٤ ملاعق صغار خميرة فورية
2 ملعقة صغيرة هيل مطحون و يفضل طحنه للوصفة بوقته بطلع اطيب
ملعقة صغيرة ملح
نص كاسة سكر
٣ ملاعق كبار زبدة طرية بدرجة حرارة الغرفة
٣/٤ ملعقة صغيرة بيكنغ باودر
كوب و نص حليب دافىء
ظرف كريما شانتي وزن ٤٥ غ
ربع كاسة زيت نباتي
الحشوة
زبدة طرية للدهن
٢ الى ٣ ملعقة كبيرة قرقة مطحونه
ربع كاسة سكر بني وجوز وكاكاو حسب الرغبة
الطريقة
نضع الحليب الدافىء في وعاء و نذوب فيه معلقة كبيرة سكر من النص كاسة و نرش الخميرة على وجه الحليب
ننتظر قليلا ثم نحرك حتى تذوب الخميرة و نغطي الصحن بفوطة نضيفه و نتركها من خمس الى عشر دقائق
يجب ان تتكون رغوة و الا فالخميرة فاسدة
في الخلاط نضيف خليط الخميرة و الزبدة و الزيت و السكر و الملح و البيكنغ باودر والهيل
في صحن غميق نضع كاستين و نص من الطحين المنخول و
ظرف الكريما شانتي ثم نضيف مزيج الخلاط ثم نبدأ بإضافة الطحين بالتدريج مع العجن حتى تكتفي العجينه و يجب ان تكون عجينة طرية و تلتصق باليد
نضع قليل من الزبدة في يدنا و نمسح سطح العجينة بالزبدة و نكورها بلطف ثم نضعها بصحن عميق مدهون بالزبدة
و نتركها ترتاح ساعه او اكثر حتى يتضاعف حجمها
ننزل كرة العجينة برفق دون اخراج الهواء
نفرد العجينة على شكل مستطيل بسماكة نص سم او اكثر قليلا و ندهن المستطيل بالزبدة و نرش السكر و القرفة والكاكاو والجوز و نلفها برفق على شكل رول
ونقطعها حلقات ونصفها بالصينية ونتركها تختمر ثم نخبزها على درجة حرارة 180
يمكن حفظ السينابون في علبه محكمة الغلق و وضعه في الثلاجه او الفريزر و عند الاستعمال يوضع الصوص و يدخل المايكرويف عدة دقائق و سيعود هش كما وقت الخبز
ملاحظاتي لضمان نجاح الوصفة
اول شي الطحين ممكن يفرق انا احتجت اضيف كمان ربع كوب طحين لتماسكت العجينة
التخمير ثم التخمير ثم التخمير ..لازم تتخمر منيح
العجينة بتخمر منيح لهيك يفضل المستطيل لما ترقي العجينة يكون مطاول اكتر منه بالعرض
لما تفردي الحشوة البسي كفوف و اضغطي عالحشوة بكل مكان بلطف لحتى تلزق و وما تهر لما تلفي العجينة رول
عند التقطيع استعملي سكينة مسننة و حادة مو اللي حفتها ناعم و لا تنزلي فيها قطع حركي السكين رايح جاي و لا تضغطي كتير بتصير القطعة مرتبة
اتركي فراغات بالصينية لحتى تعطيها مجال يتضاعف حجمها و ما تلزق بغيرها من الحبات
حاولي تقطعي القطعة بنفس العرض لحتى تحصلي على قطع مرتبة و متساوية
الحليب المكثف المنزلي
كوب و نص حليب سائل مغلي مع كاسة سكر و 3 معالق زبدة كبيرة و معلقة فانيلا صغيره بالخلاط
انا بخليهم على نار هادئة بقدر سميك و بضل حرك فيهم كل فترة لمدة ساعتين لحتى يتكاثف و يسمك
بس فيكي اكيد تستعملي عطول او ازا كان مو ماسك فيكي تضيفي معلقتين نشا كبار لشوي حليب بارد و تضيفي فوق الخليط و عالنار ليتماسك بالتحريك المستمر
مديرة قسم المطبخ مها محمدسالم
