كتب حسن أحمد
سؤال دايما شاغلنى
ياترى لما اموت هتفتكرونى
ولا هتنسونى قوام
وتقولوا ده بقى ماضى وفات
ويا امى متعيطيش عليه
لا فى صلاتك ادعى ليه
وانتى يا اختى متدمعيش
وافتكرينى بكل خير
لانى كنت بخاف عليكى
من اى شئ يحصل ليكى
ده انا مهما كان كنت ليكوا
فى يوم سند وابن ليكوا
وانتا يا صاحبى افتكرنى
وتعالى قبرى زورنى فيه
وأقعد ادعيللى لانى
كنت فى يوم اخوك وحبيبك
وانتا يا بابا ادعيللى
وافتكرليا الخير تملى
قول ده فى يوم كان ابنى
واللى ياما تعبت لتعبه
ومتنساش انى كنت منك
وسامحنى ان كنت يوم ضايقتك
او جيت فى يوم عليك
اسف يا بابا وادعيللى جدا
وانتوا يا اخواتى افتكروا
اخوكم اللى كان بيخاف عليكم
وفى وقت تاعبكم
كان يسهر ويدواى فيكم
وعمى اللى كنت بحبه
ابقى تعالى وافتكرنى
وصحابى اللى فى شغلى
لما تقعدوا تاكلوا افتكرونى
ولو بدعوه لانى معاكم
كنت بفرح بلمتكم جانبى
والناس اللى كانت حبانى
معلش بعدت غصب عنى
بس شكرا اووى ليكم
انكم كنتوا بتدعوا ليه
وانتا يا صاحبى ياللى
زعلت فى يوم منى
بجد حقك عليه
سامحنى لو كنت يوم ظلمتك
وانتا ياللى كنت بتحقد عليه
ليه يابنى مع انى كنت بحبك
وانا فى قبرى بجد فاكركم
فاكر كل حاجه ليكم
امى وابويا واخواتى
واهلى وصاحبى وناسى شكلى
ابقوا بس ادعو ليه
لانى محتاج دعائكم
يارب يحسن خاتمكم
دنيا فانيه و ضحكت عليه
