كتب امل عبدالله عابد
رضينا فيك بكل حاجة
وانت فينا بتجرحي وتدبحي
قاسية وعنيده وف وجعنا بتفرحي
مشاعرنا بضاعه وانت بيها بتسرحي
تبيعي فينا …..وتشتري
تبكي عيونا من الوجع
وعلي دموعنا بتتفرجي
عامله فرح فوق الجثث بترقصي
دستي قلوبنا …بقساوة
وعلي دمنا بتزهري وتترعرعي
ااااااااه من الوجع وشوكك فينا بتزرعي
كفاية حرام عليك
نفسي مرة بالسعادة تبتدي
تنسيني….او حتي غيري ياخد مطرحي
بس ابتسم ….كتير؟ ولا انت دايمابتعندي
يالي بحزني بترتوي صبار ف قلبي بتزرعي
ليه كل فرحه جوا مني بتكسري
حتي أبتسامتي ع الشفايف بتشققي
رافضه مني أي كلمه مش بتسمعي
لحظة عتاب صابني الندم يوم مولدي
نفسي أتملت مر وعذاب وانت….. ما بترحمي
أخر وداع مني يا دنيا يلي ارحلي
