بقلم: غاده شبراوي
فيلم الاسطوره اخر ديك في مصر كنت حابه ادخل الفيلم لسببين اولهم وجود هاله صدقي يعني الضحكه من القلب يعني انا بحب اشوف اي لقاء ليها في التليفزيون لاني بقول ولسه بقول يابخت صحابها بيها لانها صاحبه تشع بهجه وحياه السبب التاني لدخولي الفيلم اشوف رمضان اخد بنصيحه الناس وغير نوعيه افلامه اللي انا من الناس اللي ضدها ماعلينا دخلت الفيلم للوهله الاولي حسيت او افتكرت فيلم حلمي الاخير واللي شاف هيعرف ااقصد اي شاب عايش لوحده وفجاه هيكون مع عيلته المكونه من ستات ام وخاله واخت وجده تشابه كبير جدا وبعد كده انفصلت عن التفكير وشدني مشاهد تم تصويرها في اسوان ودي اجمل ماشفت في الفيلم وكنت اتمني المشاهد تكون اطول لجمالها ولاظهارها جمالك يامصر ولاني بتمني كل فنانين مصر ينتبهوا لكده ويبطلوا تصوير خارج مصر نرجع للفيلم محمد رمضان طاقه كوميديه هايله محتاج فرصه اكبر وسيناريو اجمل وعموما الفيلم لطيف عائلي فكره حلوه تخصني جدا وهي ستات مصر الجميله الجدعه المضحيه والمحترمه صحيح الفكره محتاجه فيلم اكبر من كده بس بشكر فريق العمل علي الفيلم اخر ديك في مصر فيلم من النوع الكوميدي المحترم لكل العيله
