نشوي بنت عم مصطفي
بقلم: غاده شبراوي
هي فنانه وكلنا عارفين طبعا بس الاهم من ده ان نشوي تحسها قريبه مننا يعني ممكن تشبه عليها بنت خالتك بنت عمتك او ممكن تحسها اختك من اكتر الفنانات المتواصله مع جمهورها من خلال السوشيال ميديا واكترهم تواضع وانسانيه مافيش كده واحترام ومن اكتر الناس اللي ممكن تضحكك باسلوبها وحكايتها وحواديتها اكتشفت فيها شاعره واديبه وحكيمه جدا ومن الناس الي علي طبيعتها يعني مالهاش في الاقنعه نشوي مصطفي من الناس اللي بتحب بلدها اوووي ومالهاش في اللف والدوران عاشقه لاهلها وناسها واصحابها وهي ام جميله اوووي وزوجه اجمل نشوي اتعرضت لهجوم كبير من الاخوان لموقفها المعروف ناحيتهم ورغم كده ما غيرتش كلامها وكنا كلنا خايفين عليها من تهديداتهم بس هي طلعت اقوي منهم وطمنتنا انها مش خايفه هما اللي لازم يخافوا لانهم غلط وده لانها ست جدعه بنت رباها ابوها علي الصح مهما كان شخصيه محترمه ومصريه اصيله وفي اخر كلامي لازم اقولكم سر نشوي طباخه هايله وهتعزمنا كلنا ناكل من ايديها وطبعا هي صرحت بكده صح يانشوي
