الكلب الأعور
بريد القراء أعداد: هويدا صابر
الفنانه سعاد حسني في التمنينات غنت البنت زي الولد ، ووصلنا ل 2016 والبنت أصبحت عنصر فعال ومهم في مجتمعنا ، وبتشتغل في كل المجالا من سنين السنين ، ومازلنا أول ما تخلص الجامعه أو الدبلوم ها فين العريس ، ياله شدي حيلك ، اخرجي شويه ولا شوفي شغل يمكن تلاقي عريس ونخلص بدل قعدتك دي ، شوفتي فلانه ناصحه أزاي عرفت توقع عريس…ألخ ، لو كل أب وأم دا تفكيرهم عرفوا بناتهم بسبب كلامهم دا ممكن يوصلوا لأيه كانوا أتمنوا الموت في كل لحظه..
ودي مشكلة السائلة: ن ع
أنا بنت عندي 22 سنة وشكلي مقبول خلصت معهد سنتين ومن وقت ما خلصت وأنا مش بسمع غير فين العريس يابنتي عايزين نخلص ونفوق لاخوكي ، يابنتي أنتي كده ممكن تعنسي وتبوري وتبقي تريقه للكل ، وأمي هيقولوا عليه أيه مش عارفه أجوزك ، وأسفه أني هقول دا قالتلي أمي باللفظ قدام خالتي لما جابتلي عريس دا لو كلب أعور موافقين المهم نخلص منها ، تعبت نفسيا وبقيت ادخل أوضتي بالساعات خصوصا فترة الليل وأعيط وشويه ماسكه موبايلي أقلب في الفيس أبعت لشباب صداقات علي أمل أن حد يكلمني وأتجوز ، وأكتر من مره يبعتلي شباب رسايل ويطلبوا يشوفوا صورتي لما أبعتهالهم ، يكون الرد ربنا يسعدك أو زي القمر ويلغوا الصداقه ، حسيت أني شخص مرفوض وكرهت نفسي والبيت كل حواراته زي ما قولتلك هنفرح امتي عايزين نخلص ، هنفرح عايزين نخلص شريط ما بيخلصش أقسم بالله ، فكرت كتير انتحر وشويه أفكر أجيب عريس أزاي ومنين عشان انا أللي أخلص منهم ، هو الجواز مش نصيب يا أستاذه ووقت ما ربنا ياذن ، بيقطعوا فيه ليه كده ومش انا بس صحبات ليه اعرفهم وبنات من قرايبي نفس الكلام نعمل أيييييييه بالله عليكي نطفش ولا نولع في نفسنا..
السائلة الكريمة:
أنا بنت عندي 22 سنة وشكلي مقبول خلصت معهد سنتين ومن وقت ما خلصت وأنا مش بسمع غير فين العريس يابنتي عايزين نخلص ونفوق لاخوكي ، يابنتي أنتي كده ممكن تعنسي وتبوري وتبقي تريقه للكل ، وأمي هيقولوا عليه أيه مش عارفه أجوزك ، وأسفه أني هقول دا قالتلي أمي باللفظ قدام خالتي لما جابتلي عريس دا لو كلب أعور موافقين المهم نخلص منها ، تعبت نفسيا وبقيت ادخل أوضتي بالساعات خصوصا فترة الليل وأعيط وشويه ماسكه موبايلي أقلب في الفيس أبعت لشباب صداقات علي أمل أن حد يكلمني وأتجوز ، وأكتر من مره يبعتلي شباب رسايل ويطلبوا يشوفوا صورتي لما أبعتهالهم ، يكون الرد ربنا يسعدك أو زي القمر ويلغوا الصداقه ، حسيت أني شخص مرفوض وكرهت نفسي والبيت كل حواراته زي ما قولتلك هنفرح امتي عايزين نخلص ، هنفرح عايزين نخلص شريط ما بيخلصش أقسم بالله ، فكرت كتير انتحر وشويه أفكر أجيب عريس أزاي ومنين عشان انا أللي أخلص منهم ، هو الجواز مش نصيب يا أستاذه ووقت ما ربنا ياذن ، بيقطعوا فيه ليه كده ومش انا بس صحبات ليه اعرفهم وبنات من قرايبي نفس الكلام نعمل أيييييييه بالله عليكي نطفش ولا نولع في نفسنا..
السائلة الكريمة:
أنتي جاوبتي علي نفسك في الأخر أن الجواز نصيب ووقت ما ربنا يأذن ، مشكلتك انتي وصحابتك في التفكير العقيم والجاهل من الأهل بدل ما يحتضنوا بناتهم يرموا عليهم اللوم في تأخر الجواز ويبتدوا يعبروا عن دا مع كل دقيقه تأخير بالشتيمه او التريقه وتلقيح كلام مالوش اخر كأن دا أللي هيحل المشكلة هما كمان ضحية موروثات قديمه ، أهمها أكسر للبنت ضلع يطلعلها 24 والبنت لازم تروح بيت العدل وتتستر مع أن المفروض الستر علي البنت يبدأ من بيت أهلها بالأحتضان والاحتواء ، نصيحتي ليكي أنتي بنت صغيره عندك 22 سنة أتعلمتي وبتقولي شكلك مقبول بدل الساعات أللي بتقضيها في أوضتك أعملي اي شئ مفيد أتعلمي أي شغل يدوي وبيعيه ، أوشاركي في أي عمل تطوعي أخرجي بره البيت مش عشان تصطادي عريس عشان تعيشي حياتك صح وترمي كل كلمه تحبطك وتحسسك انك عاله في بيتك وعلي المجتمع ورا ضهرك أنتي بنت قويه ، والخلطه السحريه لاي بنت أهتمي بنفسك وخليكي واثقه فيها وأوعي اي أنسان رفضك في الحقيقه أو علي الفيس يهز ثقتك في نفسك بالعكس هو اللي انسان ضعيف ومهزوز وغير سوي ، أنسي أهلك وتفكيرهم ولا تكرهيهم ولا تكرهي نفسك ، وبصي لنفسك وجسمك ومظهرك ، وخليها قاعده في حياتك أنتي بس اللي هتدفعي فاتورة خسارتك لنفسك وحياتك وأي مرض هيصيبك بسبب أكتئابك وعزلتك أنتي وحدك أللي هتحسي بألامه ، ولو وقعتي فريسه للصيادين أللي قاعده ليل نهار علي الفيس وغيره مستني الفرصه عشان يصطاد فريسته يستغلك أو يهددك حياتك هتدمر وهتنتهي وقتها ، أستعيني بالله واتقربي منه هتقوي ونصيبك أللي فيه الخير ومعاه السعادة هيجيلك أن شاء الله بالتأني والعقل ، واسأل الله الهدايه وصلاح الحال ليكي ولصحباتك ولأهلكم..
