جنسيه أصابتني بحاله نفسيه
بقلمي : رحمه علي
جنسيه أصابتني بحاله نفسيه نعم أنا هي
مع كل طلعت شمس مشرقه وجوه علي أرضها مظلمه
حكايتهم أيه مش حكايه واحده دي حكايات وقصص
نبدء منين التعليم و سوق العمل والبطاله و علاقتهم بالكافيهات والقهاوي أصل أحنا منهج تاني ببساطه وحكايه سريعه في سطور قليله .. تصح الصبح منهج علي الظهر تنحني تحفظ تصم علي الورق تحط و من دماغك يتمحي سنه ورا سنه ويجرئ العمر وحفله مبروك نجحت شهاده أخدت لف بيها لفه شغل ملقتش مفكر نفسك هتقعد علي مكتب ضحكتني في محل وقفت فوق مرتبي صرفت أستلفت ابني مستقبلك انهد ادخل دنيا وكمل نص دينك أسعار نار شقق ايجار بكام منين ودا غير الفرش والأجهزة ألخ ألخ علي القهوه رحت قاعدت والشهاده تحت مرتبط السرير متشاله متقلقش
الصحه حكومي ولا خاص هتفرق معاك
معاك فلوس علي الخاص روح طالع مفلس والصحه تعبانه فقير معدوم علي الحكومي روح هتبقي توحشني بكرا نقول كان راجل طيب كان حلمه يتعالج ويرتاح ويبقي كويس وهما رايحوه دنيا مش دايما وما باقي غير وجه الله لسه فيه النفس بس ناقص كليه وشوية حاجات تانيه بس علي كدا تمام قفلوه ويالا علشان تستلموه روحو منكم لله عارفين اننا ظالمين بس راضين وملائكة الرحمه ايدهم مادين مش بيدعولك دول عوزين فلوس راضيهم أحسن ما يتحولو لشياطين
رايح اجيب عصير خلي بالك دا فاكها حامضه بسكر واحنا مش ناقصين خلاص نجيب فاكها كيماوي عليها راشين نشرب مايه أوعه تكون من الحنفيه اصل احنا الفالتر مش مركبين انا طالع اشم شويه هوا وأغير مناظر زباله بالشارع رامين وحيونات ميته مش مقصرين وعوادم عربيات ودخان شامين هتمشي شويه حفر مطباط بالشوارع والطريق
كفايه هي دي عيشه انتو ازاي عايشين .. أحنا بنسعي من أجل البقاء و مانعرفش يعني أيه حياه غير ان دا أحد اسامي القنوات .. انتو مغيبين ودول عالم تالت ومش متقدمين انت بتلغط فينا في بالنا مش واخدين وعاملين نفسنا مش شايفين تحب اكملك لا انا أكتائبت ان لسه في ناس كدا عايشين ؟!
من غير كلام كتير أحنا بلد عظيم
