طريقه عمل الفسيخ في البيت

طريقه عمل الفسيخ من الصديقه radwa tawfeek

كيلو البوري عليه نص كيلو ملح خشن و معلقتين شطة ونزود معلقة صغيرة كاري و معلقة صغيرة كمون

 اهم حاجة انه يكون ناشف خالص انا حطيته نص ساعة في الفرن على الشبكة على درجة حررة قليلة اوي و انا فاتحة باب الفرن علشان مايستويش بس الحرارة تنشفه و بيته طول الليل على ورق جرايد متغطي بورق ابيض و من فوقه برضه قماشه خفيفة علشان التراب بعدين بقى حشيته من الخياشيم جامد اوي بالملح و الشطة و الكمون لدرجة ان الخياشيم مش بتقفل و بعدين كيسي كيسي كيسي في اكياس كتير اهم حاجة مايكونش في هوا خالص انا كنت بالحم الاكياس بسكينة سخنة بعدين تشيليه في اي حتة دافية شوية انا حطيته في دولاب المطبخ من تحت خالص، و كل يوم تقلبي على جنب