مقدمة من / إيمان حسين
مدة التحضير/ 60 دقيقة
مده الطهي/ ساعتين
المقادير :
دكر بط بلدي سوداني وزنه 3 كيلو وربع كيلو
2 كوب عصير برتقال
ربع كيلو كوسة
نصف كيلو بطاطس
ربع كيلو جزر
ربع كيلو بسله + فاصوليا
1 فلفل حامي
8 بصل اورما
5 فصوص توم
2 بصل
التوابل ( ملح وفلفل ولورا وبابريكا وفلفل حصي وكزبره ورشة شمر )
2 معلقة صلصة
جوزة الطيب / بهارات / سماق/ قرفة / حبهان بودر
ربع كوب زيت
ربع كوب خل
كوب زبادي
الطريقة :
– نغسل البطه بالملح والليمون والخل كويس وننقعه ساعه او اكتر في مياه فيها ملعقتين سكر ومعلقتين ملح وليمونه وفصين توم وقرفة خشب
– نغسله جيدا من النقع ونتبله بالخلطة عبارة عن (ربع خل + ربع زيت + بابريكا + ملح + فلفل + جوزة الطيب + كزبرة + سماق + حبهان + لورا + 5 فصوص ثوم + كوب زبادي +عصير البرتقال + 2 بصلة مضروبين في الكبه )
– يفضل نتبله من بالليل للصبح
– نقطع الخضروات حجم كبير
– البصل نتركه دون تقطيع ونضعهم في صينية عليهم وملح و معلقتين صلصه وبهارات وقرفه خشب وسماق
وكزبرة ورشة شمر ونقلبهم مع بعض وعليهم دكر البط وكوبين ماء ونغلفه بفويل كويس
-ندخله فرن لمدة ساعتين علي درجة حرارة 180
– آخر نصف ساعه نرفع الفويل وندهن البط بمعلقتين كاتشاب ومعلقه عسل ومعلقتين زيت
– بعد ان يشقر السطح نقدمها مع الخضروات
و الف هنا على قلوبكم يارب
مدير تحرير قسم المطبخ بمجلة سحر الحياة / نفين منصور
