بقلم / رياض السعد
ياليل ما ذكرت في حياتي وتمنيت
مثل ابتسامة تنتشل قلب منصاب
مليت ورب البيت ياليل مليت
من جروح تجيني بلا أسباب
تدري ياليل إني على الجرح غنيت
غنيت بدمعة والصدى ضم الهداب
تريد الحقيقة والصراحة ترجيت
فرحة. ولكن الزمن بالعطا لي خاب
ياليل قلبي بدنيتي شو سويت
حتى الهموم بداخلي تفتح بواب
إن كان طيبي عيب والصدق أوفيت
اموت صادق وارفض عيشة الكذاب
هيك طبعي وعن مبادئي ماتخليت
عندي مبادئ دونها ترخص رقاب
بيني وبينك يا كثر ما تعنيت
أركض بغرفة مغلقة ما لها بواب
الفراق مر ومنه تقهويت
انا أشهد ان الشوق للأهل غلاب
إلا جروحي كل ما رحت واقفيت
أجت تحمل مهجتي لوم وعتاب
ما أذكر ولا مرة بحياتي تهنيت
أضحك والفرح بقلبي الحزين. قدغاب
صارت دموعي ضيف وعيوني البيت
وعلى الدووم تشوف المناديل ترحاب
لو شفت شمس الصبح لأيدك حنيت
وفي داخلي حبر القلم بالشقا ذاب
أكتب إحساسي وفي ظلامك على ليت
ونورك ختم قصة عذابي على آب
بس ابتسامة تنتشل قلب منصاب،،
