صائغ القوافي الشاعر
فهد بن عبدالله الصويغ
كل يوم حبي لك يكبر ويزيد
بكل لحظة وبكل رمشة عين
حبك يا غلاة الروح شيء فريد
ما انخلق بالكون مثله إثنين
أغلى من حب الأم لطفل وليد
وأغلى من حب البشر للمحبين
بوجودك أيامي كلها تجديد
وإنت يا أمي تاج كل زين
قربك فرح وضحتك لي عيد
وابتسامتك نور على الخدين
ربي يخليك لي بالعمر المديد
يا نهر الحنان يا حب السنين
انت السند وانت لي العضيد
وجنتي يا أمي تحت القدمين
بالبعد عنك أكون بدنياي شريد
والقلب مجروح يا أمي وحزين
لو عمرك الف عام يارب يزيد
بعمرك كمان وكمان يارب الفين
انت الأمان و حبك في الوريد
يمشي بقلبي ولا له وجهين
أحس بدعاك يا قلبي وانا بعيد
و درب الهنا بدعاك صار دربين
عن حبك يا غلاتي مقدر أحيد
و انت الهوى يا روحي للرئتين
افضالك كثير من غير تعديد
وحده اللي حصاها رب العالمين
ربي يجزاك عني بالأمر السعيد
ويجعلك دايم على راسي أمين
مدير قسم الأدب و الشعر
علا السنجري
