بريد القراء أعداد: هويدا صابر سرور
ليه بنكون أحيانا عارفين أحنا عايزين أيه ونتصرف العكس كبر ولا عند مننا ، ليه بنكون عايزين حياه معينه نعيشها وبدل مانحافظ عليها نخربها وأحنا بنخربها مايضرش ممكن نخرب معانا حياة ناس تانيه مالهاش أي ذنب ، علي العموم كل واحد فينا يخاف علي نفسه لأن ماحدش هيخاف عليه ووقت الجد مش هيفرق مع حد كل واحد هيدور علي مصلحته وراحته فأنت كمان دور عليها بعيد عنهم وأحمد ربنا مليون مره.
دي تجربة ي ج
أنا أنسه عندي 32 سنه الحمدلله علي خلق ومن عيله بسيطه ومحترمه أنا محتاجه أفضفض وأقول أللي حاسه بيه جوايه قصتي بأختصار شديد أني أتقدملي أنسان صاحب أبن خالي مطلق وعنده ولد وبنت ومراته أتجوزت يعني خلاص مافيش رجوع ليها تاني وحياته مستقره بيشوف ولاده يومين في الأسبوع لأنهم عايشين مع والدتهم ، وهو كان بيشوفني عند أبن خالي أحيانا وأنا بزور مراته لأنها صاحبتي وبيقول أنه معجب بيه وحاسس أني الأنسانه أللي بيدور عليها أتقربت منه ولاقيته ذوق ومحترم معايه حاسيته قد أيه رجل مافيش أي تصرف غلط حصل منه معايه وأتخطبنا أتفق مع أهلي 3 شهور ونتجوز لأن شقته موجوده ، ويادوب بس دهان للحيطان ونجيب العفش أللي فاضل لأن كان عنده حاجات في الشقه ولسه مجددها ونلم التكاليف جيبت حاجات كتير من أللي عليه وحجزت حاجات وحجزت فستان الفرح ، وقبل الفرح بشهر أبتدي يتغير ومايردش عليه ويتهرب مني ، سألت أبن خالي قالي هيشوفه ويرد عليه ، فأبن خالي جالنا البيت وقالنا أنه أتصالح مع مراته لأنها هتطلق من جوزها وترجعله عشان ولادهم يتربوا في وسطهم ومايتحرموش من حضن أبوهم وأمهم وأبن خالي قالنا أنه أتخانق معاه وضربه والناس حاشت بينهم ، طيب والبني أدمه أللي ربطها بيه دي مالهاش أي لزمه لا هي ولا أهلها أللي حط أيده في أيدهم ، ولا أنا كنت حاجه بيحرك بيها مشاعر الغيره عند مراته ونجح وأهي هتطلق وهيرجعوا لبعض ، ولا هي لاقيته خطب فضايقت وعرفت ترجعه ليها تاني ، ولما هما عندهم أستعداد يرجعوا لبعض أتطلقوا ليه من البدايه ماحفظوش علي بيتهم وولادهم ليه ، وأنا جوز طليقته الحالي ذنبنا أيه في اللعبه دي ، جوايه نار في قلبي وحاسه بأهانه وظلم لكن أللي بيصبرني أهلي ووقفتهم معايه ، وبابا وماما قالولي دا كان ممكن يطلقك ولا يفرق معاه وأن شاء الله ربنا يعوضك ، لكن بقول الحمد لله الحمدلله بجد من قلبي وكل ألم حاسه بيه أن شاء الله مع الصبر والوقت هيروح.
