بقلم/ شيماء الهرميل
لما بتزيد الحمول
بتلاقيها بألف راجل
واقفة دايما صالبة طولها
كلها صبر وتفاؤل
تصحى لما الفجر يدن
وتردد الله اكبر
تبتدى يومها بتفاؤل
هاستعين بالله و هاقدر
زوجة واقفة فى ضهر زوجها
ام طاقة نور ولادها
اخت او لو بردو بنت
التفاؤل زاد جمالها
عارفة ان الزرعة تطرح
لو راعتها وكات صبوورة
واخدة فى صراع الحياة دايما ادوار البطولة
تيجى ضربه ليها تقوى
وتلاقيها بألف راجل
واقفة دايما رافعة راسها كلها صبر وتفاؤل
