كتبت/إسراء أحمد
كل اللى يهمنا جمالك قدام نفسك والناس وبشرتك الصافية اللى تلمع دايما ،وزى ما عودناكم دايما وصفاتنا غير مكلفة غير مجهدة للبشرة وصفتنا بتبقى من الطبيعة وموجودة فى مطبخنا مش هنطول النهاردة الوصفه عصير الطماطم ايوه والله عصير الطماطم طبعا كل ست بيت عارفه عصير الطماطم طب ده فايدته ايه،لأ فايدته كبيرة خاصة للبشرة الدهنية والمختلطة اللى فيها رؤوس سوداء.
فوايد عصير الطماطم:-
•بيفتح البشرة.
•بيمنع الرؤوس السوداء خالص وبيقضى عليها.
•بيقلل إفراز الزيوت.
•بيقلل وجود المسام.
طب هنعمله على البشرة ازاى:-
أنا اقولك
عصير الطماطم ويفضل يكون ساقع نجيب مناديل ونضع المناديل فى العصير وبعدين على البشرة ونتركه لمدة نصف ساعة أو ساعة ،يتعمل ثلاث مرات أسبوعيا.
رئيسة قسم كوني جميلة / ريما السعد
