ثروت بديع
كان انسان
عاش سكران
وكان السُكر تصبيرته
تسكت فى الوجع أوجاع
تدارى الوجعة بحور بيرته
وتعميرته
يلملم حواليه خمسمية صحاب
وهات ياضحك
وهات ياكلام عن الأفراح
ودنيا براح و حرية
وروحه فى إزازة مسبية
متكتفة ساعات و ساعات
و أكم إزازات ورا ٱزازات
وفهرس عامله للستات
وسفريات
وإكم تجديد بنفس الرتم
ولما رادت التجاعيد
تحدد رسم
كانت ملامحة هربانة
لا بان ف الرسم
إن كان فرحان وللا سعيد
عاش سكران
عاش إنسان لا تجديد
مدير قسم الادب و الشعر
علا السنجري
