بقلم : داليا طه
نبكي على ايه ولا ايه على طفل ولا على عجوز ولا على عسكري ولا على مسيحي ولا على مسلم مالك يابلد فهمونا ثوره حتغير 30 سنه فاتت واحنا في في 6سنين اتغير علينا ومات فينا حاجات كتير مابقاش نعرف مين معانا ومين عالينا ، رؤيه اتعدمت كل يوم بحاله لاعارفين التغير كان في صالحنا ولا ضدنا مبارك قال انا وبعدى الطوفان ومرسي قال ياهما ياانا ، تلفزيون ناس مالهمش في الدين اتكلموا وكانهم الحكماء وماشيين على الصراط وكل تصرفاتهم عكس اقوالهم ، ندور على رجال الدين يمكن يهدونا ويطمنونا نلاقيهم بيكلموا عن السياسه وكانهم بردوا الحكماء فيه ، بقالنا فتره لاعارفين امتى الفتنه حتوقف وتخلص ونقول كابوس ، وحد يصحينا ويقولنا قوموا فوقوا ده حلم مزعج ، قوم اشرب مايه وصلي على النبي فسرك ده كابوس من الشيطان ، اصحى ياعم ده مصر بخير والدنيا حلوه وفل الفل ، مش قادره اصدق واستوعب ، الانسان العادي يقول الصح صح والغلط غلط ، بقينا مصنفين كان دولا مش بيخطاؤا ولا دولا بيخطاؤا ، زمان خسروا الاخوات وكل واحد ليه راى وانه حكيم زمانه ، مابقاش خلاف اخ واخوه ، دخلنا بين الجار المسلم والجار المسيحي ونسيوا انحنا كنا اصدقاء العمر وعشره سنين وعلوا الفتنه ، لفوا على العسكري اللى كان بيحمي حدودنا وقتلوه وشككوا في انتمائه مع انه غلبان يدوبك كام جنيه ويروح ويحكى اد ايه حمايه الحدود صعبه ماكان الناحيه التانيه اسرائيلي ايوه ياما اسرئيلي ، واول مايشوف طاقيتى وبندقيتى يخاف ماانا ابن 73 ، ودلوقتى بقي ظهري ليه وباصص على اللى حيغدر بيا من اهلى ، قوليلي ليه بقينا كده خايف من اخواتى وخلانى ومطمن من عدوي ، هو الحال اتشقلب ولا ايه ده اكيد كابوس مش حلم
رئيس قسم هو وهي : داليا طه
