بلحظة الحلم انسرق وضاع الأمل ودمغت الحروف عجدران الألم
بسمع صوتك ونبض قلبك وريحة عطرك تملا الدار
بحوم حول خيالك ومد ايدي لعانق سراب روحك وبناديك
وصدى الهمس بالسما يعلا وينك……… وينك
هدير وصخب الأمواج عم ترقص عمكسر زمن
وشراع الأيام بدوامة عم يغزل آلف حكاية ألم
وصرخة روح من قلب موجوع تنده وينك….. وينك
مرت الأيام وذكريات السنين وفتش عنك
اسئل الطرقات البعيدة وذكريات الحارات
والياسمين المعربش عشباك بيتك وينك….. وينك
يلي زرعت بقلبي رعشة خوف من غيابك
مش قادرة انسى همسك ونبرة صوتك
رجع الوجع ينبض واصفرت الأيام
ودروب الزيزفون غفيانة خطواتك
بعدك بشرايين القلب وذكريات الحنين
ونبض الروح ناطرتك ترجع من بعيد
ليرجع الأمل يعيش بزوايا بيتنا
بلحظة الحلم انسرق وضاع الأمل
وتلاشت الحروف عجدران الالم
وينك… وينك