بنعمل مونوكير يا بابا …
كتب / خطاب معوض خطاب
سوسو و توتو (بهيجة رشدي و رجوات منصور) …
مشهد صغير يبلغ طوله دقيقة و 6 ثوان فقط جمع بين الفنان عبد الفتاح القصري و الفنانة زكية إبراهيم و الفنانتان (بهيجة رشدي و رجوات منصور) في فيلم ليلة الدخلة الذي قام ببطولته إسماعيل ياسين و حسن فايق و ماجدة و سميحة توفيق و تم إنتاجه سنة 1950م هذا المشهد الصغير و رغم مرور 67 سنة على الفيلم إلا أنه محفور بذاكرة المشاهدين و خلد ذكر (سوسو و توتو) بنتي المعلم الخرطوشي حين سألهما : بتعملوا إيه و قالتا له : بنعمل مونوكير يا بابا .
سوسو هي الفنان بهيجة رشدي التي ذكر العديد من المواقع أنها لم تمثل إلا هذا الفيلم فقط لكن انفرد موقع السينما . كوم بذكر مشاركتها للفنانة نعيمة عاكف في فيلم يا حلاوة الحب حيث أدت دور صديقتها أما توتو فهي الفنانة رجوات منصور التي ظهرت في أدوار صغيرة بالعديد من الأفلام مع إسماعيل ياسين مثل مملكة النساء و حيجننوني و إسماعيل ياسين طرزان و كيلو 99 و الهوا مالوش دوا و الآنسة ماما كما ظهرت في أدوار صغيرة في عدد آخر من الأفلام مثل إزاي أنساك و تحيا الرجالة و بنات حواء و ظلموني الحبايب و المهرج الكبير .
سوسو و توتو أو بهيجة رشدي و رجوات منصور رغم أنهما كانت تقريبا كومبارس و لا تتمتع واحدة منهما بالجمال إلا أنهما كانتا خفيفتي الظل و تتمتعان بجمال الروح و القبول و لنتذكر معا مشهدهما الجميل (بنعمل مونوكير يا بابا) :
المعلم خرطوشي : 
سوسو .. توتو ..
سوسو : نعم يا بابا .
المعلم خرطوشي : بتعملوا إيه ؟
توتو : بنعمل مونوكير يا بابا .
المعلم خرطوشي : أنا جايبلكوا النهارده هديتين يسووا رقابيكم .
سوسو : فساتين يا بابا ؟
المعلم خرطوشي : أكتر .
توتو :جزم ؟
المعلم خرطوشي : يا ريت .
سوسو : أومال إيه ؟
المعلم خرطوشي : عريسين لقطة .. أدب و كمال و أصل و عندهم عربية .
صورة عريسك أهي خدي عريسك أهه اسمه نايلون و أنت عريسك أهه اسمه بلابيعو .
سوسو :ماليش دعوة أنا عايزة ده .
توتو : أنا مالي بابا اللي إداهوني .
سوسو : لأ أنا عايزة ده .
الأم : جرى إيه يا بت أنت و هي ؟
سوسو :ده خلقته ملخبطة قوي يا مامي .
الأم :أبدا و النبي بونو .. مش تغيرهولها يا معلم ؟
المعلم خرطوشي : أغيرهم إيه يا ولية ؟
دول العرسان اللي بعتتهم الخاطبة النهاردة .
سوسو :طب غير لي اسمه يا بابا .
المعلم خرطوشي : ليه ؟ بلابيعو مش عاجبك ؟ اسميه لك ريكس ؟
الأم : يا ختي بلابيعو بلاميعو كله كويس ألف ليلة بيضا .
المصدر :
موقع السينما . كوم .
فيلم ليلة الدخلة على يوتيوب .
