أمل الجمل
ولسة فى ناس بشوشة ولو فرحتها محبوسة
ولسة الضحكة فى وش البنت طالعة مكسوفة
ولسة الدنيا بخير ودروبها بالطيبة مرصوفة
وفينا القادر اللى بيعافر ولو دنيته ماشية معكوسة
صحيح يمكن بيعلى صوت الفساد والمحسوبية والكوسة
ويضعف صوت الحق لكنه فجأة يشق وتلاقى سهامه مغروزة
وان سكت القلم وكبر الألم وكل سنانه مقصوفة
بيرجع يبص فى مرايته ويمسك برايته ويقول معانى محسوسة
وهيفضل الصح صح والباطل باطل مهما عملوه فوضى خلاقة ومدروسة
الحقيقة والخير مش مسألة نسبية واللى يقولوا غير كدة تبقى ناااس مهوووسة
مدير قسم الادب والشعر
علا السنجري
