احضنى الشمس
كلمات /شيماء الهرميل
…………
أحضنى الشمس بكفوفك
لما نور الصبح يشرق
وارفعى عيونك وشوفى
السما صافيه بتبرق
واسمعى عصافير تغنى
صبحى على الكون بحاااااله
انت ست الكل اصلا وبجمالك زاد جماااله
واضحكى فالدنيا تبقى بضحكتك غنيوة حلوه
وابتدى يومك تفاؤل وادعى لك كام دعوة حلوة
واعرفى وانت بتدعى ان ربنا راح يصونك
هما كام يوم راح يعدو وتصلبى كالعاااادة طولك
اعرفى ان انت اقوى من يادوب حبه وجع
دا انت طووووووول عمرك سندنا فى التعب لما بنقع
يبقى تقوى وتقوى اكتر
وتقاومى بارادة اكبر
ونشوفك يارب دايما على خير بضحكة منورة
للأمل سابقانا خطوة ابدا مش بصة لورا
واسمحى فى النهاية اقول لك كلمة صغيرة
اسمحيلي اقول لك انك اجمل حته سكرة
❤
❤ #رسااله لكل جميلة اهزمى المرض بإرادتك انت اقوى….صباحك نور وامل وحياة
