طريقة عمل الزبادي البيتي
طريقه سهله جدا ومش هتاخد منك وقت والاهم انك ضمناه لانه عمايل ايدك يلا بينا نشوف مع بعض بيتعمل ازاي
المكونات
كيلو لبن – علبة زبادي بلدي
طبعا انتي لو بتعملي علطول في البيت دايما شيلي وحده من اللي عملتيهم للمره اللي بعدها عشان تستغني عن الشراء من بره
اول حاجه بتغلي اللبن كويس جدا وتسيبيه يبرد يعني تحطي
صباعك فيه تقدري تستحملي حررته
اول ما يبرد حطيه في الخلاط هو وعلبة الزبادي يضربو مع بعض
هاتي الكوبايات اللي هتحطي فيها الزبادي ممكن تحطي اي نوع فاكها في القاع او مربي او عسل
وبعدين صبي الزبادي فقيها
لو عندك ماكينة الزبادي يكون كويس لو مفيش ولعي الفرن 10 دقايق واطفيه وحطي الزبادي فوق البوتاجاز هيتخمر علي حراره المطبخ
سيبيه من 4 الي 6 سعات وبعدين طلعيه وغطيه وحطيه في التلاجه وبالهنا
