بنت الجامعة

*يا عيني على بنت الجامعة
*لهموم الناس كانت فاهمة وسامعة
*بس لنفسها عمرها ما فهمت
*و اول ما قلبها دق راحت لدقاته سمعت
*بس قلبها دق لحب كله شر
*رفضه عقلها بس قلبها اصر
*بعدت عن كل الناس اللي حبوها
*خانت ثقة ابوها و مصانتش غيبة اخوها
*و هو بعد بعد ما بغدره و خيانته جرحها
*ما هو خلاص شاف صيدة جديدة
*اسهل منها و دي حاجة اكيدة
*و هي فقدت ثقتها في نفسها
*سابت جامعتها و اتخلت عن حلمها
*و الجامعة بقت في سيرتها تتكلم
*و من خوفها و وحدتها بقت ضعيفة بتتألم
*و في لحظة طيش فكرت تنهي حياتها
*بس ربك بعت لها رسالة فوقتها
*لقت آذان الفجر بيهز اركان البيت
*و كأن ربك دلها على اول الخيط
*رمت السكينة بسرعة و راحت تتوضا
*و اول ما فرشت سجادتها انهارت عالارض ساجدة
*و قالت يا رب انا جاية اشورك
*متسبنيش لوحدي و اهديني بنورك
*و ربك كان نفسه يسمع دعاها
*استجاب لكلامتها و حصنها و قواها
*تاني يوم راحت جامعتها مرفوعة راسها
*و ربك بعينه و حمايته كان هو اللي حارسها
*و رجعوا اصحابها اللي سابوها
*و رضي عنها ابوها و بقت في حمى اخوها
*و رجعت تاني حياتها الطبيعية
*و كأن ربك قال لها :
‏لما_رجعتي_لي_انا_مسبتكيش_يا_صبية‬*و رجعت تاني تسمع هموم الناس
*و داوت قلبها اللي انجرح و انداس
*و رجعت تاني بنت الجامعة
بقلم
جهاد مجدي