بنت مصرية
أنا بنت عسولة
عن نفسى مسؤلة
مع انى مجهولة
وحقوقى منسية
دا لأنى مصرية
تسيبونى مرمية
زى اللعب جوه الدولاب
زى القمر وسط السحاب
حتى العنين شايفين ضباب
رغم انى طفلة القلب شاب
بالزمة معقولة
أنا دور يتهمش
وتقولوا ميهمش
اكمنى أنا بطنش
ولوحدى معزولة
مش هبقى عسولة
وهقولها برجولة
أنا بنت مصرية
معجونة من طينها
وشربت من نيلها
وسكنت ميادينها
واسأل فى كل مكان
اسأل ورا القضبان
اسأل يناير ويونيو
واسأل كمان رمضان
فاكر زمان
يوم عبورنا، يوم ما ثورنا
لما كنت معاك وجنبك
ليكوا دوركوا ولينا دورنا
انتصرنا
فبلاش تهمش دورى وتطنش
لأنى خلاص معدتش أقول
على حاجة ميهمش
كلمات/ الشاعرة نادين حسام
ادارة عين شمس التعليمية السن / 12 سنة
