همسة بقلم مها نور
همستي انهرده عن كلمة حيرتني من وانا صغيره مكنتش فاهمة معناها وايه المقصود منها زمان كنت أسمع الناس الكبار زي امي وجدتي يقولو كلمة حيرتني اوي فلانة احلوت بعد الجواز وبقت زى القمر ولاشوفتى التانية مالها اتغيرت كدا دى كانت زى القمر يعينى شكلها كبرت عشرين سنه وبقت عاملة زي الست الحزينة بعد الجواز والخلفة وهدة العيال
مين فيكو لسه بيسمع الكلام ده زمان وانا صغيره ماكنتش فاهمه معني الكلام ده ايه وليه دي احلوت وليه دي اتغيرت واتبدلت
بس بعد ماكبرت وفهمت عرفت السر اللي حيرني
مكانش الجواز ولا العيال والخلفه والمسؤلية ولا حتي تغير الهرومونات في الجسم بسبب الجواز
لكن اللي فهمته ان السبب الرئيسى اللى غير الاتنين وقادر يغير اي ست و يحولها لـ أميرة وملكة جمال ” هو جوزها ” شريك حياتها وهونفسه اللي قادر يحول اجمل ست في الدنيا لست عجوزها في عز شبابها
الراجل هو المصباح السحري فى حياة كل انثي هو المايه اللي بتروي الورده بالكلمة الحلوه والحب والمعاملة الطبية الورده وقتها هتبقا اجمل ورده في بستان الحب هيتمتع بريحتها الجميلة لاكن لو اهملها ومنع عنها مايه المحاياة هتتبدل وتتدبل وتموت حافظ عليها ورعيها الست زي الارض كل ما ترويها هتطرح جنة
