اسم الوصفة: تشيز كيك الموزاييك
مقدمة من الشيف: هبة عادل
مدة التخضير: 10 دقائق
مدة الثلاجة: 2 ساعة
المقادير:
2 كوب بسكويت سادة مطحون
3 ملعقة كبيرة زبدة سايحة
2 مغلف كريم شانتيه
200 جم جبنة كريمى
3 ملعقة كبيرة جيلاتين مذاب ف ثلث كوب ماء ساخن
نصف علبة حليب مكثف محلى
جيلى الوان مختلفة او لون واحد
جيلى للوجه
الطريقة:
نذوب كل باكو جيلى ف كوب ماء ونصبه ف صينية وندخله التلاجة يمسك علشان نقطعه مكعبات بالسكينة لما يمسك
نخلط الزبدة مع البسكويت كويس اوى لحد مايتشرب البسكويت كويس بالزبدة ونفرده ف قاع صينية من اللى بتتفتح بالجنب وندخله التلاجة يمسك شوية
نخفق الجبنة لوحدها الاول علشان تفك وبعدين نضيف الكريم شانتيه والحليب المكثف المحلى والجيلاتين ونخفق كويس جدا لحد ما القوام يبتدى يتخن شوية
ناخد الجيلى المقطع ونحطه على الخليط السابق ونقلب بملعقة ونصبه فوق طبقة البسكويت وندخله التلاجة يمسك
نذوب جيلى الوجه ف كوب الا ربع ماء وندخله التلاجة ساعة يمسك وبعدين نضعه على وش التشيز كيك وندخله التلاجة يمسك وبالهنا
