بقلم سالم الرماش
بنحلم على اد ما بنقدر
ومهما الدنيا تكرهنا
هنفضل فيها نتصبر
بنرمي اليأس على ناحية
ومن أول أزمة عرفناها
دنيا وتملي تتجبر
تسرق روحنا وتاخدنا
ونشيل الفرح على ايدنا
والعين تشوف جبين مكتوب
فرح او جرح راح يصيبنا
بنضحك للحزن ضحكة جنان
ومهما القلب ينام عشمان
يشوف الفرح مصاحبنا
وكرهانا دنيا الاحزان
نجري على بعض ف الأزمة
ماهو السكوت ملوش لازمة
ولبعض نفتح الاحضان
بنعشق ونسافر مع التيار
والبسمة حكاية ليل ونهار
وعلى اد ما احنا بنسهر
العين بتعزف نغم أوتار
فمش مهم تفرحنا
ولا وجع الدنيا يجرحنا
كفايه نعيش بالإحساس
والضمير ينام مسامحنا
