بقلم بيشوي مجدى
بتكَون علاقات بتعيش/ تبدأ قصه بكلمة هاى
ومشاعرك بوستات ع الفيس/ وإنت أساساً مش رغاى
تفاصيلك مكتوبه قدامك / وآراءك فى الكومنتات
ضحيت ببعض أهتماماتك/ علشان تسهر تعمل شات
وتسهر وحدك لساعات
وتوديك أحلامك مسافات
بتشوف الفيس بقى مستقبل/ وقصة حُبك مش فى الكون
لو شايف إن النت حياه/ فــ إنت حقيقى أكيد مجنون
فبتفتح رساله وتقرر
تقول إنك معجب بيها
وقبل ما هى تسيب رساله
كنت خلاص غيرت الحاله / من سنجل لــ ريليشن شِب
كل مشاعرك تايهه فـ شاشه/ عايز من جواها تحب
شايف نفسك إتطمنت
علشان خاطر كلمت بنت
وتلاقيك من كُــتر التفكير
فيها تقريباً إتجننت
فتعبت من كتر السهر الياما
رحت قافل فيسك ونمت
وجه الصبح ف مقومتش
وسبت مشاعرك ع النت
