خليك حنين يا مطر
بقلم – إخلاص عبد المحسن
غسل المطر … ورق الشجر
و ساب قلوب المجروحين …. بجراحها دايبه من الأنين
صحى العيون النعسانين ….. اللي في سباتها من سنين
تايهه و ناسيه نفسها …. فوقها ببرود قال لها
أنا اللي جايلك من سفر!!!!!!
قالت له سيبني في حالي و اسرح في الغيطان
إسقي الشجر و اروي ظما الطير العطشان
بس ما تقساش يا مطر
خليك حنين ع القلوب
و اغسل همومها من سكات …… ساعة الغروب
ها .. اتفقنا يا مطر ؟
حاضر آمين
