الشخص المعقد نفسيا
بقلم – اسماء احمد
اغلبية الاشخاص عندهم عقد نفسية
بيبقي التعامل معاها حساس جدا
لانهم بيبقوا اخدوا كم من الصدمات كبير جدا
واصلهم انهم من جواهم مش قادرين يتعاملوا بالصورة الطبيعة
فقدوا الٽقة والامان
من كتر الكدب والخيانة والخداع والزيف
اتعقدوا من الجواز حتي ومن فكرته
اتعقدوا انهم يجددوا علاقتهم
بيبقي فقدوا حاجات كتير اساس في الحياة
بيبقوا واصلوا لمرحلة خلاص استوب كده
مش عايزين نعيش البشر خداعة وغدارة
وبيبقو مش قادرين يتأقلموا خالص مع البشر
بيحاولوا يكونوا عالمهم الخاص
بس في ناس بتقتحمه وبتحاول تدخل دايرتهم وبتحاول تساعدهم
و هما ذات نفسهم
بيحاول يعملوا جهد كبير عشان يتعايشوا مع الواقع وطبيعة الحياة
لكن الناس ساعات مش بتستوعب يعني ايه شخص معقد نفسيا
وممكن ترجع تاني تزود العقد دي
صدقوني الشخص المعقد ده بيبقي مر بتجارب قاسية جدا
هو ذات نفسه مخنوق من جواه انه وصل للمرحلة دي
بيحاول بجميع الطرق انه يرجع طبيعي
والي حواليه يٽبتوا ليه انه مش شرط كله شبه بعض
لكن ساعات بتصدف العكس العقدة تكبر اكتر
بتكون جواه زهق وخنقة وأرف من كل شئ
لازم نستوعب ان فعلا ده حقيقي
وفي ناس بنتعامل معاها معقدة من حاجات كتير
ونساعدهم لانهم ممكن يواصلوا لمراحل انهم ينتحروا
او يغيبوا عن الواقع او يكرهوا الحياة
وينعزلوا نهائيا
استوعبوا العقد
حاولوا تصالحوا مش تزودوا
لاننا الاغلبية معقدين
التعاملات حساسة
